06.05.2023 - cü il tarixində Xocalı Rayon Əli Kərim adına Başkənd kənd tam orta məktəb kollektivinin iştirakı ilə "2023-cü il - Heydər Əliyev ili" çərçivəsində tədbir keçirildi. Tədbirdə məktəb kollektivi, valideynlər iştirak etdilər. İlk olaraq Azərbaycan Respublikasının Dövlət Himni səsləndirildi. Sonra Ümummilli liderin ruhu bir dəqiqəlik sükutla yad edildi. Tədbiri giriş sözü ilə məktəbin direktoru Məhəmməd müəllim açdı. O,  Ümummilli lider Heydər Əliyev haqqında geniş söhbət apardı. Sonra dahi şəxsiyyət Heydər Əliyevin Azərbaycana rəhbərliyindən əvvəlki dövrdən onun Azərbaycanı müstəqil, suveren, azad bir dövlətə çevirməsi illəri haqqında məktəbin tarix müəllimi Akif Rüstəmov geniş məruzə ilə çıxış etdi. Daha sonra Ulu Öndər Heydər Əliyevin keçdiyi həyat yolu haqqında hazırlanan slayd nümayiş etdirildi. Məktəb şagirdlərinin ifasında Ümummilli lider haqqında yazılan şeirlər dinlənildi.